កម្លាំងនគរបាលបង្ក្រាបបទល្មើសគ្រឿងញៀន២ករណី ចាប់ជនសង្ស័យប្រុស/ស្រី៤នាក់ និងរឹបអូសវត្ថុតាងគ្រឿងញៀនជិត២គីឡូក្រាម
16-July-2019 | ដោយ ពលមនសិការ
បន្ទាយមានជ័យ៖ កម្លាំងនគរបាលបង្ក្រាបបទល្មើសគ្រឿងញៀន២ករណី ចាប់ជនសង្ស័យប្រុស/ស្រី៤នាក់ និងរឹបអូសវត្ថុតាងគ្រឿងញៀនជិត២គីឡូក្រាម ត្រូវកសាងសំណុំរឿងបញ្ជូនសាលាដំបូងខេត្តបន្ទាយមានជ័យចាត់ការតាមច្បាប់កាលពីថ្ងៃទី១៥ ខែកក្កដា ឆ្នាំ២០១៩។
លោកវរសេនីយ៍ទោ ង៉េង សុជា ស្នងការរងទទួលផែនប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តបន្ទាយមានជ័យបានឱ្យដឹងថាករណីទី១-នៅវេលាម៉ោង១០នឹង៣០នាទីព្រឹកថ្ងៃទី១៤ ខែកក្កដា ឆ្នាំ២០១៩ នៅចំណុចភូមិទំនប់៥ សង្កាត់.ក្រុងប៉ោយប៉ែត កម្លាំងនគរបាលជំនាញសហការជាមួយកម្លាំងនគរបាលក្រុងប៉ោយប៉ែត ប្រតិបត្តិការបង្ក្រាបនិងឃាត់ខ្លួនជនសង្ស័យ២នាក់មាន ទី១-ឈ្មោះ សឿង សំណាង ហៅពេជ្រ ភេទប្រុស អាយុ២៦ឆ្នាំ និងទី២-ឈ្មោះ សុំ ចិត្រា ភេទប្រុស អាយុ៣១ឆ្នាំ ជនសង្ស័យទាំង២នាក់ រស់នៅសង្កាត់.ក្រុងប៉ោយប៉ែត។ ហើយកម្លាំងបានរឹបអូសវត្ថុតាងមានគ្រឿងញៀនប្រភេទមេតំហ្វេតាមីនហៅខេទឹកកកចំនួន១ថង់ធំ និង៥៧ថង់តូច និងស្មើ១៦០,២៩ក្រាម និងវត្ថុតាងមួយចំនួនទៀត។
ករណីទី២-នៅវេលាម៉ោង១១នឹង១៥នាទីថ្ងៃទី១៤ ខែកក្កដា ឆ្នាំ២០១៩ នៅចំណុចភូមិ.សង្កាត់កំពង់ស្វាយ ក្រុងសិរីសោភ័ណ កម្លាំងនគរបាលជំនាញ សហការជាមួយកម្លាំងនគរបាលក្រុងសិរីសោភ័ណ ប្រតិបត្តិការបង្ក្រាបនិងឃាត់ខ្លួនជនសង្ស័យ២នាក់មាន ទី១-ឈ្មោះ សៀម ម៉ាយ៉ា ភេទស្រី អាយុ២០ឆ្នាំ (ជនជាតិខ្មែរអ៊ីស្លាម មុខរបរលក់ខោអាវ) រស់នៅភូមិង.សង្កាត់កំពង់ស្វាយ ក្រុងសិរីសោភ័ណ និងទី២-ឈ្មោះ លាង ឧសភា ភេទស្រី អាយុ២៦ឆ្នាំ (បុគ្គលិកកាស៊ីណូ ហូលីដេ ប៉ោយប៉ែត) រស់នៅភូមិក្បាលស្ពាន សង្កាត់.ក្រុងប៉ោយប៉ែត។ រឹបអូសវត្ថុតាងគ្រឿងញៀនប្រភេទមេតំហ្វេតាមីនចំនួន១ថង់ធំ និង១៥ថង់តូច ស្មើ១៤.១០៤២ក្រាម និងថ្នាំញៀនអ៊ិចស្តាស៊ីចំនួន១៥គ្រាប់។
លោកវរសេនីយ៍ទោ ង៉េង សុជា បានបញ្ជាក់ថាក្រោយពេលបង្ក្រាបបទល្មើសគ្រឿងញៀន២ករណី ដោយឡែកគ្នាឃាត់ខ្លួនជនសង្ស័យ៤នាក់មានស្រី២នាក់ និងរឹបអូសវត្ថុតាងគ្រឿងញៀនក្រោយពេលសាកសួរ និងចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ10411
- ម្សិលមិញ14181
- សប្តាហ៍នេះ10411
- ខែនេះ125561
- ឆ្នាំនេះ125561
- សរុប20568017